لهب....لهب....لبنان صيفك لهب         حجر أحراش الجنوب....لهب         البقاع أخضرك ويابسك لهب       إلا   ....  إلا رجالك…. من عجب             عجب ....  عجب  …لبنان  عجب

تابع

طباعة PDF

 

 
نواصل نشر ما بداته بالأمس
بالأمس انتقدت وعود النهضة قلت كثروا من باش نعملوا ...ونعملوا...هاوا آش قصدت :الوعد لاهو  مشروع (يعني حاجه تابعة النظرة عامة) ولا برنامج( معناهاأولويات عندك فلوسها باش تنفذها)... بمعنى الوعد هو حديث الليل مدهون بالزبده .الخوانجية(وكي انقول الخوانجية مانقصدش شخص معين بل الفكر الي يمثلوا) وعدوا...وعدوا... ومن بعد مشاوا يجبهيوا على الخلجيين وخاصة قطر والسعودية(الي هوما جيفه مع شعوبهم يا خلي معانا أحنا)، بعد ما مضمضوا من وعود أؤروبا وأمريكا والبنك العالمي الي وعد بيها( الجرثوم المحنطه من العهد البرقيبي)  إلي هوالباي قايد السبسي. سي الباجي الي ظهر مفكر إستراتيجي عندو تصور التونس كيفاش ماش يخرجها من الكارثه الي تنتظرها... وين كان مخبي ها الذكاء الكل هو الي كان يد قمع بورقيبه ،لأن الكل يعرف وهو أول من يعرف، أن بورقيبه ما كانش يقبل حتى واحد يفكر معاها.على علمك وزيرداخلية بورقيبه كان يسميه البوليس متاعي(واسئلوا حمه الهمامي ).سي الباجي عارف الي النهضة ماش تشد الحكم حب يورطها وورطها فعلا بزيادات ونفقات حتى ميزانية أمريكا ما تنجمش تتحملها... واليوم القى الحل في العودة "للتجمع المفيوزي الي كان يسموه الدستوري"...القى فيه ناس "انضاف"(بمعنى بدون جافال ما ينضفهمش) ديمقراطيين وهم رجال الساعة الي ماش يخرجوا تونس من الوضع الي حط التجمع ومن بعدو الباجي قايد السبسي البلاد فيه... الباجي همو أن النهضه ماتنجحش باش ما تعاودش في الإنتخابات الجايه...وما يهموش أن الي ماش يتبيلك راهي تونس مش النهضة...تفكيروا الإستراتيجي ما يخليشي ياخذ ها التفاهات بعين الإعتبار. بقي الطرف المقابل في المعادله. جماعة 0فاصل. إذاكان الباجي جرثومه محنطه هاذوم كرطوشه عادمه مخززه ، اطلقت ... لكن ما ثارتش قعدت مخززه قاعدين ينحيولها في الخز والتراب والصديد الي كلالها قلبها في أملهم باش يرجعوا يستعملوها... هي حتى البندقيه الي اطلقت منها حتى في المتاحف ماعادش موجوده... مسيكنات... ربي يشفيهم ...عددهم قاعد يتآكل وينقص وقريبا يلزم اليونسكو تلقالهم محميات باش ما يندثروش... يتحدثوا باسم الشعب... ويتألموا لألم الشعب... وقت الي الشعب يرفضهم في عوض يراجعوا احساباتهم....لا يدوروا على الحاكم سواء أكان هذا الحاكم...إسموا الإستعمار أو الإمبريالية الدكتاتورية البرليتارية التحريفية(جماعة خروتشاف ) أو بورقيبه او مشوم العبدين بن على.... عددهم نفس العدد... وشعاراتهم نفس الشعرات وطريقتهم نفس الطريقه ...لا يقنعوا الشعب الي يدافعوا عليه ولا يتعايشوا مع الحاكم الي يضطهدم...ولا يبدلوا رويقهم، أشكون الي وصل الخوانجية للحكم؟ ما همش جماعة سي بنعاشور والمجلس متاعوا...وسي الجندوبي البتوع كيما يقولوا المصريين.... ومش سي مختار الطريفي بتوع حقوق الإنسان وقتها... ومعاهم جماعة قحز خليلي بليصه يرحم والديك ،وكي تخليلوا شوي إفضاء يحب البلاصه كامله...اليوم كيف الخوانجية وصلوا للحكم بالقوانين والمراسيم الى انتم وضعتوها ضهروا ...ما يستحقوش....هذا لعب ذر....كيما يقولوا نفترضو جدلا انكم نجحتم في بلاصة النهضه آش كنتم ماش تعملوا خير منها... كيفاش؟؟؟؟وبآنا مشاريع ؟؟؟؟وباي فلوس....معنتها الغرب الي يضحك عليكم ويحرك فيكم باش يكون أسخى معاكم؟؟؟؟....تقولوا الخوانجية والسلفيين من صنع المخابرات (وهذا فيه كثير من الحق) وإنتم اشكون صنعكم؟؟؟إنتم عكس الخوانجية مهبوله وزغرتولها في وذنها . زعمه آشكون الي زغرتلها في وذنها؟؟؟ أنعم كل ماهو ماسوني صهيوني في لباس حقوق الإنسان والمراة والطفل والحيوان.. إنتم غنيمتوا السهلة لسذاجتكم...  سبان الجلاله والمجاهره بالفواحش وشربان البيره على العلن...وقلة الحياء ...هذه ما تتصرفش في حتى بانكه ، ولا هي ماش تولي مشاريع تخرجنا من التخلف والفقر والمرض الي إحنا فيه ... إذا كنت تعتبر ان قلة الحياء هي من الحريات الفرديه المقدسه علاش ما تمارسهاش في الخفاء وتعطينا مشاريعك الي ماش تتقدم بالبلاد والعباد.... أما إنت حل الصره حتى الخيط ما ما ثماش وتشوش وتفسد على الي يحاولوا باش يعملوا ... المهم لا بد من حل ....لأن هذا الكل لايسمن ولا يغني من جوع... بعمرها لا ثوره قادا بائد الجال والكلام....انتظروا الطرح الجاي...